Kompania Kosovare për Distribuim të Energjisë Elektrike në Kosovë-KEDS, sot ka bërë të ditur se për shkak të zbrazjeve atmosferike, reshjeve të shiut dhe erërave të forta që përfshinë dje një pjesë të Kosovës, rajoni i Zhurit dhe ai i Dragashit vazhdojnë të mos kenë furnizim të rregullt me energji elektrike.
KEDS në një komunikatë për media ka potencuar se ekipet ndodhen në terren dhe po bëjnë të pamundurën që konsumatorëve atje t’ua kthejnë sa më parë furnizimin me energji elektrike, për çka kërkojmë mirëkuptimin e tyre.
Ndërkaq, si pasojë e këtij moti, i përcjellur me shi e erëra të forta, rajonet më të prekura në rrjetin elektroenergjetik janë Gjakova, Prizreni, Ferizaj, si dhe një pjesë e Pejës dhe Prishtinës.
