Raiffeisen Bank është blerë nga një biznesmen shqiptar në një vlerë marramendëse prej rreth 350 milionë eurosh
Është arritur një akord me një vlerë marramendëse prej rreth 350 milionë eurosh, për shitjen e gjigantit austriak bankar, Raiffeisen Bank. Blerësi është një prej biznesmenëve më të fuqishëm shqiptarë.
Sipas Albanian Post, negociatat janë kryer në mënyrë direkte ndërmjet bisnezmenit dhe bazës së grupit austriak e cila ndodhet në Vjenë, dhe marrëveshja është finalizuar konkrektisht fundjavën e shkuar dhe është pranë mbylljes shkresore.
E vetmja gjë që pritet është konfirmimi zyrtar i këtij transaksioni, që në terma konkret është një ndër më të mëdhenjtë të kryer ndonjëherë në Shqipëri.
Grupi Raiffeisen është themeluar nga Friedrich Wilhelm Raiffeisen, i cili bankën e parë e themeloi në vitin 1886 në Muhldorf, pranë fshatrave të Spitz-it, në Austri.
Duke u bazuar në modelet e para bankare gjermane, ai krijoi një asociacion kooperativist, të cilin e quajti “Sistemi Raiffeisen”.
Fillimin e ndërkombëtarizimit, grupi e pa së pari në vitin 1986, kur i shtri në një pjesë të Evropës qendrore dhe lindore.
Në Shqipëri, veprimi i shoqërisë Raiffeisen filloi në vitin 2004, pas blerjes së ish-Bankës së Kursimeve dhe kthimit të saj në një bankë me kapital të huaj.
Sot, Raiffeisen Albania është një prej grupeve bankare kryesore në Shqipëri.
Me mbi 480 mijë klientë, ajo radhitet ndër bankat me më së shumti kapital dhe kredi.
Rrjeti më i gjerë bankar në vend është pikërisht ai i Raiffeisen Bank, së bashku me investimet kryesore në fushën e digjitalizimit bankar apo të bankomatëve “smart”, të cilët operojnë në gjithë vendin.
Rreth 1 mijë e 250 punonjës bëjnë pjesë në strukturat organike të Raiffeisen Bank, duke e bërë edhe një ndër kompanitë më të mëdha në Shqipëri.
