Bashkimi Evropian ka kërcënuar Malin e Zi se do të shqyrtojë ndërprerjen e procesit të negociatave nëse vendi nuk krijon institucione funksionale dhe nuk del nga kriza e lidhur me Gjykatën Kushtetuese.
Paralajmërimin e kanë dërguar ministrja sllovene e Punëve të Jashtme, Tanja Fajon dhe ministri austriak për Çështje Evropiane dhe Ndërkombëtare, Alexander Schallenberg, të cilët sot kanë vizituar Malin e Zi.
“Kjo është një vizitë që vjen me një paralajmërim të qartë, por edhe një inkurajim që ne e sjellim në emër të kolegëve tanë. Ne dëshirojmë që ky vend të kapërcejë krizën politike dhe bllokimin politik. Paralajmërimi është – nëse ngërçi vazhdon, Mali i Zi rrezikon të humbasë hapin tjetër në rrugën drejt BE-së dhe të përfundojmë në anën e jo në atë rrugë”, theksoi Schallenberg.
Ai vuri në dukje se Mali i Zi ka qenë një model për rajonin deri më tani, por tani mund të shohim polarizimin dhe mos përparim në çështjet kyçe të reformës, raporton rtcg.
Fajon dhe Schallenberg, pas takimit me presidentin Milo Gjukanoviq, kryeministrin Dritan Abazoviq dhe kryetaren e Kuvendit, Danijela Gjuroviq, theksuan se ngjarjet e fundit politike në Mal të Zi shkaktuan një krizë të thellë të institucioneve dhe kontribuuan në ngadalësimin e negociatave për anëtarësim.
Mali i Zi është në krizë politike që nga gushti, kur ra qeveria e Abazoviqit pas nënshkrimit të Marrëveshjes Themelore me Kishën Ortodokse Serbe. Pas kësaj, u formua një shumicë e re qeverisëse, e udhëhequr nga Fronti Demokratik pro Serb, i mbështetur nga Abazoviq, i cili propozoi Miodrag Lekiqin, ish-diplomat nga koha e Sllobodan Millosheviqit, për formimin e qeverisë së re.
Gjukanoviq refuzoi t’i jepte mandatin Lekiqit, duke pretenduar se nuk ishte i bindur që qeveria që do ta udhëhiqte kishte mbështetjen e parlamentit.
Si kundërpërgjigje, shumica në pushtet miratoi një ligj të ri për presidentin, duke e detyruar Gjukanoviqin t’ia besonte mandatin Lekiqit. Ai ligj u vlerësua si antikushtetues nga Komisioni i Venecias dhe diplomatë të bashkësisë ndërkombëtare.
Protestat masive të përkrahësve të opozitës mbahen çdo javë, të mbështetura nga presidenti Gjukanoviq, duke kërkuar tërheqjen e ligjit për presidentin dhe shpalljen e zgjedhjeve të jashtëzakonshme parlamentare.
Minister @tfajon in #Podgorica ??: I am here today with @MFA_Austria Schallenberg on behalf of HRVP @JosepBorrellF. We want to help #Montenegro on its #EU path and prevent further deadlock in negotiations. #Slovenia ?? is always willing to help with its experiences & knowledge. pic.twitter.com/YaeNS6BL2c
— MFA Slovenia (@MZZRS) December 21, 2022
