Drejtoria për Hetimin e Krimeve Ekonomike dhe Korrupsionit në bashkëpunim me inspektorët e Agjencisë së Ushqimit dhe Veterinarisë së Kosovës (AUVK) sot zhvilluan një operacion të madh të kontrollit te prodhuesit e mishit në disa rajone të Kosovës ku gjatë kontrollit në disa objekte të fabrikave të përpunimit të mishit në Mitrovicë, Pejë e Vushtrri janë gjetur mbi 2000 kilogramë mish pa afat, i cili dyshohet se pas ripërpunimit po përgatitej të hidhej përsëri në treg.
Kosovanews mëson se Policia e Kosovës ka arrestuar menaxherin e kompanisë ‘’ Buquku’’, njëra nga kompanitë në të cilën u gjetën qindra kilogram mish të skaduar.
Kujtojmë se institucionet e vendit edhe vite më parë patën gjetur tonelata me mish në depon e fabrikës “Buquku”, e cila nuk i respektonte kushtet higjieno-sanitare.
Madje policia bëri arrestime në kompaninë “Buquku” nën dyshimin për veprën penale – prodhim dhe vënie në qarkullim të artikujve të dëmshëm ushqimor.
