Policia e Kosovës, pas një operacioni në Prishtinë, ka arritur pasditen e së hënës, të arrestojë tre persona të cilët dyshohej se shisnin dhe blinin në mënyrë të paautorizuar substanca narkotike.
Policia ka pranuar një informatën se në rrugën “Dritan Hoxha” në Prishtine disa persona dyshohet se janë duke bere shitblerjen e substancave narkotike.
Sektori Qendror në kuadër të Drejtorisë për Hetimin e Trafikimit më Narkotikë ka reaguar në vendin e ngjarjes dhe ka hasur në tre persona të dyshuar të cilët ishin në veturën e markës Tiguan ngjyre hiri me targa vendore. Personi i cili ishte pasagjer në pjesën e pasme del nga vetura me një qese najloni në dorë ku dyshohej se kishte substance narkotike, i njëjti është ndaluar nga ana e policisë dhe tek i dyshuari me iniciale SH.A. janë gjetur në cilësinë e provave materiale 155 gr substancave narkotike e llojit mariuhanë.
Tek pasagjeri me inicialet B.SH., i cili ishte në veturën Tiguan janë gjetur 70 gram substanca narkotike e llojit marihuanë.
Policia e Kosovës ka bërë të ditur se tek të dyshuarit janë gjetur dhe sekuestruar 660 gram substancë narkotike e dyshuar e llojit mariuhanë, tre telefona, një peshore dhe foli për paketimin e substancës narkotike.
“Në cilësinë e provave materiale janë gjetur dhe sekuestruar gjithsej dëshmitë si në vijim: Një qese me substancë narkotike e dyshuar e llojit Mariuhanë me peshë 435 gram, Një qese me substancë narkotike e dyshuar e llojit Mariuhanë me peshë 80 gram, Një qese me substancë narkotike e dyshuar e llojit Mariuhanë me peshë 75 gram, Një qese me substancë narkotike e dyshuar e llojit Mariuhanë me peshë 70 gram, Tre (3) telefona mobil, Një (1) peshore dhe Folie për paketimin e substancës narkotike. Në total janë gjetur dhe sekuestruar (660) gram substancë narkotike e dyshuar e llojit mariuhanë”, thuhet në njoftimin e PK-së.
Policia gjithashtu ka njoftuar se të dyshuarit me vendimin e prokurorit, pas procedurës së intervistimit janë dërguar në mbajtje për 48-orë.
