Sot Klan Kosova, Nacionale e shumica e media në Kosovë publikuan lajmin sensacional me tituj: “Alarmante, VV e do shkarkimin e kryetarit për ta kapur KPM-në (dokument)”, Parashikimi për rënien e gripit: E-maili që morën anëtarët e KPM-së rreth mbledhjes për shkarkimin e Jeton Mehmetit etj.
Në fakt këto lajme janë tërësisht të pavërteta dhe tendencioze pasiqë nuk bëhet fjalë për shkarkimin e kryetarit Jeton Mehmetaj pasiqë z.Mehmetaj i skadon mandati ditën e hënë pra me datë 19 janar.
Lajmin për KosovaNews e ka konfirmuar anëtarja e KPM-së znj. Luljeta Aliu e cila ka thënë se lajmin që kanë publikuar mediar sot se do të ketë shkarkim janë të pavërteta dhe qëllimkëqija.
“Kryetarit të KPM-së i kalon mandati të hënën. Me qëllim që KPM të mos mbetet pa Kryetar, si anëtarë të KPM-së bashkërisht jemi dakorduar që sot gjatë mbledhjes të zgjedhet një Kryetar i ri (siç ka vepruar edhe Gjykata Kushtetuese) në mënyrë që te ketë vazhdimësi të punës. Vet Kryetari i tanishëm është dakorduar për zgjedhjen e kryetarit të ri.” ka thënë Aliu
KosovaNews ka kontaktuar me krytarin aktual të cilit i skadon mandati të hënën për ta pyetur rreth këtyre raportimeve mirëpo kur e hapi telefonin dhe ju prezantuam nga KosovaNews z.Mehemetaj e ka mbyllur linjën. Përkundër insistimeve tona për ta thirrur prap ai nuk e ka hapur telefonin dhe mëpastaj e ka fikur tërësisht.
