Ministri i Infrastrukturës, Liburn Aliu ka bërë të ditur se ka mbajtur takim në mbledjen e parë të themelimit të Odës së Arkitekëve të Kosovës.
Sipas, ministrit Aliu ky institucion do të shërbejë si platformë për zhvillim profesional, shkëmbim përvojash dhe rritjen e standardeve, duke harmonizuar praktikat tona me ato rajonale dhe evropiane.
Aliu bdër të tjera tha se Oda e Arkitektëve të Kosovës do të ndihmojë në krijimin e një sistemi të qëndrueshëm për zhvillimin e arkitekturës në Kosovë.
“Sot pata kënaqësinë të jem pjesë e Mbledhjes së Parë Themeluese të Odës së Arkitektëve të Kosovës, një moment historik për sektorin e arkitekturës në vendin tonë. Ky institucion do të shërbejë si platformë për zhvillim profesional, shkëmbim përvojash dhe rritjen e standardeve, duke harmonizuar praktikat tona me ato rajonale dhe evropiane.
Ky është hap i rëndësishëm që fuqizon profesionistët dhe ndihmon në krijimin e një sistemi të qëndrueshëm për zhvillimin e arkitekturës në Kosovë.
Falënderoj të gjithë ata që kontribuan në realizimin e këtij procesi dhe konfirmoj mbështetjen tonë të vazhdueshme për Odën, duke përfshirë mbështetjen financiare dhe investimin në edukimin e vazhdueshëm profesional. Së bashku, do të ndërtojmë një të ardhme më të mirë për profesionin dhe për zhvillimin e qëndrueshëm të vendit tonë.”, ka shkruar ministri Aliu në një postim në facebook.
