Zjarret në pyje që kanë shpërthyer në Kili prej një jave kanë lënë të vdekur të paktën 26 persona dhe kanë lënduar më shumë se 2000. Më shumë se 1500 shtëpi u shkatërruan.
Ministria e Brendshme e Kilit konfirmoi për ABC News se më shumë se 889 mijë hektarë pyje janë shkatërruar deri më tani. Më shumë se 6 mijë zjarrfikës, kryesisht vullnetarë, janë aktualisht në terren duke u përpjekur të kontrollojnë më shumë se 323 zjarre aktive, duke përfshirë 90 që janë jashtë kontrollit.
Ekspertët meteorologjikë thonë se thatësira që ka kapluar Kilin është shkaktuar nga një kombinim i ndryshimeve klimatike dhe fenomenit klimatik La Nina. Kombinimi i këtyre kushteve lejoi që erërat më të forta nga oqeani të futeshin më thellë në territorin e Kilit.
Ministrja e Brendshme e Kilit, Carolina Toha, ka thënë se do të shpallet një shtetrrethimi në rajonet e Biobio, La Araucaunia dhe Nuble.
Shtetet e Bashkuara dërguan një tanker ajror 36 mijë litra DC-10 për të ndihmuar në kontrollimin e zjarreve, ndërsa autoritetet kiliane thanë se Argjentina, Brazili, Ekuadori, Meksika dhe Spanja tashmë kishin ofruar një lloj mbështetjeje logjistike dhe materiale.
Autoritetet paralajmëruan se temperaturat e larta dhe erërat e forta mund të komplikojnë më tej situatën.
