Ministrja e Ekonomisë, Artane Rizvanolli ka raportuar të martën në Komisionin për Ekonomi, Industri, Ndërmarrësi dhe Tregti, lidhur me nivelin e zbatimit të Ligjit për komunikimet elektronike.
Rizvanolli tha se Ligji për komunikimet elektronike, është zbatuar në përgjithësi bazuar në kornizën e BE-së të vitit 2009.
“Më 13 mars qeveria ka miratuar agjendën dixhitale, sa i përket planit kombëtar të radio frekuencave dhe është në procedura për në kuvend, është versuar që 80 përdind të aktiviteteve janë zbatuar”, tha ajo.
Duke bërë me dije se po ashtu është nënshkruar memorandumi për 5G me Republikën e Shqipërisë edhe memorandumi i roamingut, për rajonin e Ballkanit Perëndimor.
“Po ashtu në fushën e komunikimeve po zbatohet edhe projekti KODE, për zonat e pambuluara me rrjet dhe infrastrukturë fikse, gjithashtu 2011/2022 krijimi i stacionit fiks qe e kemi inauguruara para disa ditëve, si dhe përfshihet një stacion lëvizës dhe një stacion mobil, mundëson monitorimin e brezit frekuencor dhe krijimi i rrjetit për hulumtim”, tha ajo.
Sipas saj, është ven në funksion edhe ‘Beta center’ për institucionet e arsimit të lartë dhe vitin tjetër planifikohet që edhe shkollat e mesme të kyçen në KREN.
“Në kuadër të IPAS, janë certifikuar disa të rinj dhe janë zgjedhur 2 borde të Arkepit me mandat 5 vjeçar, duhet të financohet nga burimet vetanake”, tha ajo.
