Të shtëna me armë janë regjistruar pranë konsullatës izraelite në Stamboll. Deri më tani, raportohet për disa të vrarë në një shkëmbim zjarri me policinë.
Sipas policisë, tre persona janë “neutralizuar”, ndërsa dy oficerë policie kanë mbetur të plagosur gjatë përplasjes, shkruan CNN.
Pamjet nga vendi i ngjarjes, në një zonë të ngarkuar tregtare të qytetit, tregojnë forcat e sigurisë të strehuara pas një autobusi mes të shtënave të vazhdueshme.
Autoritetet bëjnë të ditur se nuk besohet të ketë pasur zyrtar diplomatik izraelit brenda konsullatës në momentin e incidentit./abcnews.al
