Presidentja e vendit, Vjosa Osmani, ka shprehur mirënjohjen dhe respektin për gratë në Shërbimin Korrektues të Kosovës, në Ditën Ndërkombëtare të Gruas.
Osmani, në postimin e saj në Facebook, me foto nga një aktivitet i mbajtur me rastin e 8 Marsit, tha se këto gra janë dëshmi se ndryshimi vjen kur ka guxim, veprim dhe mbështetje për njëra-tjetrën.
“Me gratë e Shërbimit Korrektues të Kosovës, të cilat janë të forta, të përkushtuara dhe të palëkundura në misionin e tyre për drejtësi. Në një profesion sfidues, ato dëshmojnë çdo ditë se forca, profesionalizmi dhe dinjiteti nuk kanë gjini.
Këto gra janë dëshmi se ndryshimi vjen kur guxojmë, veprojmë dhe mbështesim njëra-tjetrën. Gëzuar 8 Marsin për të gjitha gratë që me punën dhe përkushtimin e tyre e bëjnë shoqërinë më të drejtë!”, ka shkruar Osmani në Facebook.
