Prokuroria Speciale e Republikës së Kosovës dje njoftoi se pas zhvillimit të hetimeve disamujore, në bashkëpunim me Policinë e Kosovës – Drejtorinë Kundër Terrorizmit dhe Agjencinë e Kosovës për Inteligjencë në regjionin e Mitrovicës ka arrestuar një grua për shkak të dyshimit të bazuar se në bashkëkryerje e ka kryer veprën penale – spiunazhi.
Sipas burimeve të KosovaNews e arrestuara është Jelena Gjukanoviq, një serbe nga Kosova e cila është punonjëse e OSBE-së në Kosovë.
KosovaNews mëson se Jelena Gjukanoviç është pjesë e grupit të Aleksandar Vlajiç i cili u arrestua me 25 qershor të vitit të kaluar Sipas informacioneve të besueshme Agjencia e Kosovës për Intelegjencë ka siguruar dëshmi të forta se ai është i dyshuar për spiunazh në dëm të Republikës së Kosovës, dhe një gjë të tillë e ka bërë duke i dërguar informacione BIA-s.
Në gjurmë të tij ka rënë Agjencia e Kosovës për Inteligjencë, të cilët pas shumë hetimeve kanë zbuluar se i njëjti kishte krijuar një rrjet spiunazhi në Kosovë, dhe të rekrutuarit e tij kanë qenë kryesisht qyetarë serbë, të cilët kanë punuar në orgnaizata ndërkombëtare në Kosovë. Pjesë e këtyre spiunëve është pra edhe e arrestuara e djeshme Jelena Gjukanoviq e cila punon në OSBE.
