Kompania Rajonale Ujësjellësi “Mitrovica” ka njoftuar se furnizimi me ujë të papërpunuar nga kanali “Ibër Lepenc” është stabil dhe se furnizimi me ujë për konsumatorët është kthyer në normalitet.
Sipas kësaj kompanie, kufizimet e ujit që janë vendosur më parë, janë anuluar.
Megjithatë, KRU “Mitrovica” bën thirrje që uji të mos përdoret për pijë deri në njoftimin e IKShPK-së, por vetëm për higjienë.
“Ju njoftojmë se furnizimi me ujë të papërpunuar nga kanali “Ibër Lepenac” është stabil, andaj furnizimi me ujë për konsumatorët është kthyer në normalitet. Kjo do të thotë se ne kemi anuluar kufizimet e ujit që kemi vendosur më parë”.
“VINI RE: Uji, ende të mos përdoret për pije deri në raportin e IKSHPK. I njëjti të përdoret vetëm për higjienë”, thuhet në njoftim
