Kuvendi i Kosovës ka miratuar në parim Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme, me 60 vota pro, asnjë kundër dhe një abstenim.
Ky projektligj synon krijimin e një mekanizmi të veçantë për të verifikuar dhe konfiskuar pasurinë që nuk ka burim të justifikueshëm ligjor, ka theksuar ministrja e Drejtësisë, Albluena Haxhiu.
Ministrja e Drejtësisë, Albulena Haxhiu, ka kritikuar qëndrimin e opozitës ndaj këtij projektligji, duke theksuar se kundërshtimi i tyre lidhet drejtpërdrejt me konceptin e konfiskimit civil.
“E gjithë opozita nuk e do konceptin e konfiskimit civil, kjo është e vërteta çdo gjë tjetër që thuhet në foltore është vetëm një fasadë në të cilën unë fare nuk kam interes që të merrem sot”, ka deklaruar ministrja Haxhiu në seancën e së enjtes.
