Infermierja e Klinikës së Kirurgjisë Vaskulare, Shukrije Kurti, ka vdekur, ka njoftuar të dielën Shërbimi Spitalor Klinik Universitar i Kosovës.
Në njoftimin e SHSKUK-së thuhet se Kurti ka punuar për mbi 20 vjet si infermiere.
“Për mbi 20 vjet të punës së saj, infermierja Kurti njihej për aftësitë e saja profesionale, afërsinë me kolegët, por mbi të gjitha për shërbimet profesionale dhe përkushtimin ndaj pacientëve”, thuhet në njoftim.
Tutje SHSKUK-ja ka shprehur ngushëllime për familjen, stafin e klinikës dhe pacientëve që ju shërbeu ajo.
