Gjykata Kushtetuese e Kosovës ka vendosur në favor të qeverisë, lidhur me Ligjin për Pagën Minimale, duke përjashtuar veteranët e Ushtrisë Çlirimtare të Kosovës (UÇK) nga rritja e pagës minimale. Ky vendim ka ngjallur reagime nga Organizata e Veteranëve të Luftës së UÇK-së (OVL e UÇK-së).
Kryetari i OVL e UÇK-së, Faton Klinaku, ka paralajmëruar protesta në përgjigje të vendimit. Ai ka akuzuar qeverinë aktuale se ka vepruar kundër interesave të veteranëve të UÇK-së.
“Qëndrimet tona se do t’i vazhdojmë protestat kundër këtij pushteti i cili vazhdimisht ka punuar kundër veteranëve të luftës së UÇK-së dhe shtresave tjera të shoqërisë, mbeten të pandryshueshme. Për format dhe kohën e protestimit, do të takohemi si organe drejtuese për të vendosur,” ka shkruar Klinaku në një postim në Facebook.
