Policia e Kosovës ka bërë të ditur se të enjten në mbrëmje ka nisur një aksion kundër fajdeve në rajonet e Pejës dhe Prishtinës. Policia e ka cilësuar si goditje të një grupi kriminal që dyshohet se merrej me fajde. Gjatë këtij aksioni, deri më tani janë arrestuar tre persona.
“Ky operacion policor, i cili po realizohet në bashkëpunim dhe koordinim me organet e drejtësisë, deri më tani ka rezultuar me arrestimin e tre personave të dyshuar të cilët dyshohet se janë të përfshirë në veprimtari kriminale të fajdeve”, ka njoftuar policia.
Policia e Kosovës, do t’u mbajë të informuar lidhur me zhvillimet e operacionit dhe rezultatet.
