Për nder të 25-vjetorit të çlirimit të Podujevës, është përuruar Stacionit i ri i Autobusëve. Në ceremoninë e përurimit të këtij projekti, kryetari i kësaj komune, Shpejtim Bulliqi tha se ky stacion do të shërbejë edhe për linjat ndërkombëtare.
“Kryetari Bulliqi theksoi se projekti i Stacionit të ri është realizuar në bashkëfinancim me Ministrinë e Zhvillimit Rajonal, vlera totale e të cilit është 1.3 milionë euro, ku MZHR-ja ka participuar me 600 mijë euro, për të cilën e ka falënderuar ministrin Fikrim Damka, kurse pjesa tjetër e projektit është financuar me buxhet komunal”, thuhet në komunikatën e komunës.
Edhe Ministri i Zhvillimit Rajonal, Fikrim Damka, u shpreh i lumtur për përfundimin e projektit. Damka bëri të ditur se do të ndihmojnë komunën e Podujevës edhe në realizimin e projektit të Tregut të Gjelbër, i cili pritet të ndërtohet në vendin ku ka qenë deri tash Stacioni i vjetër i Autobusëve.
