Kryeministri i Kosovës, Albin Kurti, në 19-vjetorin e themelimit të Lëvizjes Vetëvendosje, ka thënë se tërë këto vite kanë qenë përpjekje e angazhim për të lënë gjurmë të thella në historinë politike të vendit tonë.
Ndërsa ka thënë se 19 vjetori Lëvizjen Vetëvendosje e gjen si subjektin më të madh në Republikën e Kosovës.
“Sot, Lëvizja jonë mbush 19 vite që prej kur është themeluar. 19 vjet Lëvizje, 19 vjet ecje, 19 vjet përpjekje e angazhim për të lënë gjurmë të thella në historinë politike të vendit tonë. Pa dyshim kjo ecje nuk ka qenë as e shkurtër as e lehtë, por bindjet tona të thella, qëndrimet e drejta, vizioni i qartë dhe me popullin në krah kanë bërë që lëvizja, progresi, rritja të jenë rezultati”, ka shkruar Kurti Në facebook.
