Kryeministri i vendit, Albin Kurti, në pjesëmarrjen e tij në Këshillin e Sigurimit në OKB e ka ftuar haptazi para të pranishmëve presidentin serb, Aleksandar Vuçiq, të nënshkruajnë marrëveshjen tani, menjëherë.
Ftesa e tij erdhi pasi përmendi që edhe pas shumë përpjekjeve të Kurtit për nënshkrim, Vuçiq ka refuzuar të bëjë një gjë të tillë.
Kurti ka thënë se se është gënjeshtër e kulluar se Kosova po kryen spastrim etnik ndaj serbëve të Kosovës, pretendime të rreme nga shteti që kreu gjenocidin e fundit të shekullit të shkuar.
Të gjitha këto janë pretendime të rrejshme të persekutimeve nga një vend që është i njohur që ka kryer gjenocidin e fundit të shekullit 20. Kosova doli nga lufta si simbol i luftës për dinjitet dhe triumf i të drejtave të njeriut. Nuk kemi qenë të trishtuar, kemi ndërtuar vetën në një shoqëri shumëertnike dhe shumëkulturore me një shtet që sheh përpara dhe është solid demokratik. Çerekshekulli pas luftës qëndrojmë krenarë si Republikë për të gjithë, shoqëri shumëetnike për të gjithë.
