Tre persona kanë pësuar lëndime trupore si pasojë e një aksidenti në rrugën “Gjakovë-Prizren” përkatësisht në fshatin Slloven sot rreth orës 12:20.
Kështu ka konfirmuar zëdhënësi i policisë për Rajonin e Gjakovës, Sheremet Elezaj teksa ka njoftuar se të lënduarit janë dërguar në Spitalin e Përgjithshëm në Gjakovë për trajtim mjekësor.
Në aksident kanë qenë të përfshira dy vetura.
“Në rrugën Gjakovë-Prizren, tek vendi i quajtur “fshati Slloven”, rreth orës 12:20 është pranuar informatë për aksident trafiku. Menjëherë policia ju ka përgjigjur rastit dhe ka dalë në vendin e ngjarjes. Tre të lënduar nga aksidenti në rrugën Gjakovë – Prizren ku përveç dëmeve materiale tre persona janë dërguar në Spitalin e Përgjithëshme në Gjakovë për trajtim mjekësor. Njësia e trafikut rajonal është duke trajtuar rastin”, ka thënë Elezaj.
