Një grua ka raportuar se kolegu i saj i punës i ka shpërndarë numrin e telefonit te disa persona të cilët e kanë thirrur në telefon duke e shqetësuar.
Në raportin 24 orësh të Policisë së Kosovës bëhet e ditur se rasti ka ndodhur të hënën në Prishtinë.
Tutje bëhet e ditur se viktima për shkak të gjendjes së rënduar emocionale është dërguar për trajtim mjekësor.
“Prishtinë / 05.02.2024. Viktima femër kosovare ka raportuar se i dyshuari kosovar koleg i saj i punës i ka shpërndarë numrin e telefonit te disa persona të cilët e kanë thirrur në telefon duke e shqetësuar. Viktima për shkak të gjendjes së rënduar emocionale është dërguar për trajtim mjekësor”, thuhet në raport.
Ndërkaq, i dyshuari është arrestuar dhe me vendim të prokurorit pas intervistimit është dërguar në mbajtje.
