Policia e Kosovës ka ndaluar dje një automjet me të cilin po transportoheshin dinarë serbë.
Ndalimi i këtij automjeti është bërë në kuadër të zbatimit nga autoritetet të Rregullores së BQK-së, e cila që nga 1 shkurti e ndalon dinarin serb si monedhë për kryerjen e pagesave në Kosovë.
Një person nga Ohri ka sulmuar një punonjës të Shërbimit të UrgjencësDeri në 400 ushtarë gjermanë pritet t’i bashkohen KFOR-itKjo uebfaqe e frikshme zbulon gjithçka që di interneti për juArion publikon këngën e re të titulluar “Loyalty”KFOR-i në patrullim përgjatë kufirit Kosovë-Serbi
Sipas Rregullores, e vetmja monedhë e lejuar për kryerjen e transaksioneve të pagesave në Kosovë është euro.
Lidhur me ndalimin e automjetit me dinarë serbë dhe të dy personave që ishin në të ka reaguar ambasadori i SHBA-së në Kosovë, Jeff Hovenier.
Ai ka përsëritur kërkesën e SHBA-së drejtuar autoriteteve të Kosovës që zbatimi i Rregullores së BQK-së të shtyhet.
“Ne po ashtu jemi të shqetësuar nga aksionet e Policisë së Kosovës sot për të konfiskuar dinarin serb dhe automjetet që e transportonin atë për të shpërndarë pagesën e përfitimeve sociale nga Serbia. Ne presim që autoritetet e Kosovës të sigurojnë që personat për të cilët ishin këto pagesa t’i pranojnë pa vonesa” – shkroi mes tjerash Hovenier.
Ndërsa, lidhur me ndalimin e automjetit me dinarë serbë sqarime kanë dhënë nga Prokuroria e Pejës.
Zëdhënësi i Prokurorisë së Pejës, Shkodran Nikçi, ka thënë për “Kallxo”, se të shtunën u ndalua një veturë me të cilën po transportohej një shumë e parave në monedha dinarë.
Nikçi tregon se dy persona u intervistuan për këtë çështje.
“Prokurori i Shtetit dje është informuar se me një automjet ka qenë duke u transportuar një shumë e konsiderueshme e monedhave dinarë dhe njëkohësisht për këtë çështje janë duke u intervistuar dy persona dhe të njëjtit pasi që janë intervistuar janë liruar në procedurë të rregullt. Për momentin janë të sekuestruara ato mjete dhe njëkohësisht automjeti derisa të bëhet verifikimi i tyre se a i kanë kaluar të gjitha procedurat ligjore në Republikën e Kosovës” – deklaroi Nikçi.
