Policia e Kosovës ka njoftuar se në 24 orët e fundit janë realizyar 507 pika kontrolli për automjete.
Gjatë kësaj kohe janë konfiskuar 31 patentë shoferë.
Policia ka bërë apel për drejtuesit e automjeteve që të kenë kujdes gjatë vozitjes për shkak të ngricave.
Njoftimi i plotë:
Policia me aktivitete shtesë për të ofruar më shumë siguri në trafik
Prishtinë, më 16.01.2024
Policia e Kosovës po vazhdon t’i kushtojë rëndësi shtimit të masave për të ofruar më shumë siguri në trafik. Njësitet policore të të gjitha Drejtorive Rajonale të Policisë (të trafikut dhe rendit), kanë vazhduar me aktivitete shtesë në fushën e trafikut.
Gjatë 24 orëve të kaluara (15.01.2024), patrullat policore kanë kryer patrullime parandaluese si kanë realizuar 507 Pika Kontrolli për Automjete. Për ata drejtues automjetesh që kanë bërë shkelje më të rënda të rregullave të trafikut rrugor, policia ka konfiskuar 31 patentë shofer.
Derisa jemi në sezonin e dimrit, ku në rrugë mund të ketë ngrica e borë, apelojmë te të gjithë drejtuesit e automjeteve, që shpejtësinë e automjetit t’ia përshtatin kushteve të rrugëve dhe të jenë të përqendruar në ngasje.
