Vëllai i Liridona Ademjat, Leonardi, ka njoftuar se të premten kanë zhvilluar një takim në Prokurorinë Themelore në Prishtinë ku brenda kufijve që lejon ligji janë informuar rreth rastit të vrasjes së Liridonës.
“Ky takim na e lehtësoi dhimbjen dhe na ofroi një siguri edhe më të madhe që hetimet janë duke shkuar mirë. U dakorduam që tani e tutje do të kemi takime të rregullta informuese”, ka shkruar Ademaj.
Ai ka thënë se besojnë në të gjitha institucionet e drejtësisë.
“Ne i shprehëm falënderimet hetueseve, prokurores së rastit dhe të gjithë prokurorëve që janë duke ndihmuar në zbardhjen e plotë të rastit. Ne besojmë në të gjitha institucionet e drejtësisë dhe mbesim me shpresë që rasti do të zgjidhet në mënyrë profesionale”, ka shkrua ai.
Liridona Ademaj është vrarë më 29 nëntor dhe i dyshuari kryesor për vrasjen e saj është bashkëshorti i saj Naim Murseli, i cili bashkë me tre të dyshuar të tjerë gjenden në paraburgim.
