Ngrohtorja “Termokos” ka punësuar, Avni Kurshumliu, pjesëtar i Shoqatës së të Shurdhërve në Prishtinë.
Nënshkrimi i kontratës u bë ndërmjet drejtorit ekzekutiv të ngrohtores, Fisnik Osmani dhe Kurshumliut.
Osmani përmes një postimi në rrjetin social, Facebook, ka njoftuar se Kurshumliu tash e tutje do t’i shërbejë kësaj ndërmarrjeje, i cili do të kujdeset për mirëmbajtjen e oborrit dhe kopshtit.
“Termokos, kujdeset të ofrojë mundësi të barabarta, sepse të tillë jemi para ligjit dhe para Zotit. Avniu, prej sot është kolegu ynë më i ri në ngrohtore! Avniu është 35 vjeçar dhe nga viti 1999 është pjesë e Shoqatës së të Shurdhërve në Prishtinë. Avniu, si pjesë e ekipit tonë në Departamentin e Administratës do të kujdeset për mirëmbajtjen e oborrit dhe kopshtit tonë! Së bashku me Mentor Maliqi e mirëpritëm në ambientet tona, duke i uruar punë të mbarë dhe shëndet”, ka shkruar Osmani.
