Festivali i filmit “Hyjnesha në Fron” shënoi edicionin e 16-të gjatë kësaj fundjave. Në Kino “Armata” për tre ditë me radhë, u shfaqën filma dhe u zhvilluan aktivitete artistike nga komuniteti i krijuesve të filmit dhe dashamirësve të këtij arti.
Në këtë edicion, garuan 18 filma në kategoritë e filmave të shkurtër dhe të gjatë, ndërsa në natën përmbyllëse u ndanë edhe çmimet për filmat e metrazhit të shkurtër:
Filmi më i mirë: “Witness”; Filmi me skenarin më të mirë: Alikija; Aktori më i mirë: Avni Dalipi, “Ninullë”; Regjisori më i mirë: Hamid Yoosefi, “Sphinx”; Hyjnesha në Fron: Takbir.
Ndërsa në filmat e gjatë: Filmi më i mirë: “Nji Prej Nesh”; Filmi me skenarin më të mirë: Forbidden Womanhood; Aktori më i mirë: Alban Ukaj, “Nji Prej Nesh”; Regjisori më i mirë: Ergys Meta, “Nji Prej Nesh”; Kinematografia më e mirë: Ariel: Back to Buenos Aires; Hyjnesha në Fron: Nguyen;
Çmimi për vepër jetësore i ndahet aktorit të ndjerë Xhevat Qorraj
Çmimin për vepër jetësore e ndau regjisori, skenaristi dhe producenti Ilirjan Himaj, që ishte edhe pjesë e jurisë. Himaj, në mes të emocioneve, ngriti lart veprën artistike të aktorit të ndjerë Xhevat Qorraj.
