Zjarrfikësit e Kosovës kanë filluar protestën para objektit të Qeverisë së Kosovës për shkak të mospërmbushjes së kërkesave të tyre.
Ata thanë se janë në një situatë shumë të rëndë sa i përket organizimit, financimit dhe menaxhimit të shërbimit të zjarrfikës dhe shpëtimit dhe se kjo gjendje ka shkaktuar indinjatë.
Me anë të një letre drejtuar Qeverisë se Kosovës, sindikata e Zjarrfikësve të Kosovës kanë kërkuar sigurimin e buxhetit emergjent dhe mjeteve financiare, çështja e rrezikshmërisë dhe fillimi i kompensimit të tyre nga muaji shkurt si dhe kompensimi i orëve të tyre për ndërrimet e natës, festave shtetërore etj.
Zjarrëfikësit po ashtu paralajmëruan vazhdimin e protestave deri në arritjen e kërkesave të tyre.
