Pas situatës me turbullirë në kanalin e Ibër Lepencit, furnizimi i ujit për konsumatorët në Fushë – Kosovë do të bëhet përmes autoboteve.
Kështu ka njoftuar Kompania Rajonale e Ujësjellësit “Prishtina”.
“Me qëllim të përmbushjes së nevojave për furnizim me ujë për pije, pas situatës me turbullirë në kanalin e Ibër Lepencit dhe nё pamundësi tё bëjmë furnizimin e rregullt te tё gjithë konsumatorët, sot më datё 29.11.2023 e kemi parë nevojën pёr t’ju ofruar shërbim tё furnizimit me ujё konsumatorëve, përmes autoboteve”, thuhet në njoftimin e KRU “Prishtina”.
Sipas njoftimit të tyre, njё autobot është pozicionuar nё Rrugën “Arbёria” te lagjia Eliza deri nё ora 13:00, pastaj do tё kaloj te kompleksi Ulpiana nё rrugën “Dardania” në Fushë – Kosovë.
Tutje njoftohet se autobotet do lëvizin në të gjitha zonat e Fushë – Kosovës.
