Komisioni Qeveritar për Persona të Zhdukur, njofton se ditëve të fundit, ka pasur shqetësime nga familjar të personave të zhdukur, në lidhje me disa mbetje mortore të gjetura në veri të Kosovës, dhe njëkohësisht disa punimeve tjera.
“Punimet/Gërmimet e realizuara gjatë këtyre ditëve në këtë pjesë të Republikës së Kosovës, nuk ndërlidhen me aktivitetet tona në zbardhjen e fatit të personave të zhdukur të luftës në Kosovë. Duke falënderuar të gjithë, ua rikujtojmë që Komisioni Qeveritar për Persona të Zhdukur, është i vetmi institucion që udhëheq dhe bashkërendon punën në zbardhjen e fatit të personave të zhdukur, prandaj për çdo informacion, kërkesë apo shqetësim që mund të keni, ju lutem të përcjellin faqen zyrtare të Komisionit, si dhe t’i drejtoheni Komisionit përmes komunikimeve zyrtare”, njofton Komisioni Qeveritar për Persona të Zhdukur.
Natyrisht, për çdo gërmim që Komisioni inicion në territor të Republikës së Kosovës, pas vlerësimit të përgjithshëm, Komisioni Qeveritar për Persona të Zhdukur do të njoftojë me kohë të gjithë akterët e nevojshëm, përfshirë edhe familjarët e personave të zhdukur.
