Lawrence Faucette, personit të dytë që iu transplantua zemra e derrit, ka vdekur gjashtë javë pas procedurës eksperimentale.
Qendra Mjekësore e Universitetit të Maryland, ku ishte kryer procedura eksperimentale tha se zemra e transplantuar kishte shfaqur ditëve të fundit shenja refuzimi në organizmin e tij.
“Dëshira e fundit e Faucette ishte që ne të përfitonim sa më shumë nga ajo që kemi mësuar nga përvoja jonë, kështu që të tjerëve mund t’u garantohet një shans për një zemër të re kur një organ njerëzor nuk është i disponueshëm”, tha në një deklaratë Dr. Bartley Griffith, drejtor klinik i Programit të Xenotransplantimit Kardiak në Shkollën e Mjekësisë të Universitetit të Maryland.
“Më pas ai i tha ekipit të mjekëve dhe infermierëve që na donte. Do të na mungojë jashtëzakonisht”.
Griffith kishte kryer operacionin eksperimental.
Faucette, 58-vjeçar, u pranua për herë të parë në këtë spital më 14 shtator pasi kishte simptoma të dështimit të zemrës dhe iu nënshtrua transplantit eksperimental gjashtë ditë më vonë.
Sëmundja e tij e zemrës dhe sëmundjet e tij ekzistuese kishin bërë të pamundur procedurën e transplantit normal.
E bënë atë të papërshtatshëm për një transplant tradicional të zemrës njerëzore.
