Gjatë ditës së djeshme dyshohet se është dhunuar një vajzë e mitur në qytetin e Gjakovës.
Janë arrestuar dy persona, një grua dhe një burrë për dhunimin e një të miture në këtë qytet.
Konfirmimin për rastin dhe të arrestuarit e ka dhënë zëdhënësi i policisë për rajonin e Gjakovës, Sheremet Elezaj.
Ai po ashtu tha se fëmija i dhunuar ka treguar se është dhunuar dhe abuzuar nga persona që nuk i njihte në lokacione të ndryshme.
“Me datën 13.10.2023 rreth orës 09:00 viktima, femër (fëmijë), gjatë dëgjimit policor në prezencën e akterëve të nevojshëm ka treguar se ishte abuzuar dhe dhunuar nga persona të panjohur në lokacione të ndryshme. Lidhur me rastin janë arrestuar dy persona, një femër dhe një mashkull të moshës madhore, mbi dyshimin se janë të përfshirë në rast. Veprimet e nevojshme hetimore janë kryer në koordinim me prokurorin e shtetit, me vendimin e të cilit të dyshuarit janë ndalur në mbajtje si dhe është iniciuar rast “Keqtrajtim apo braktisje e fëmijës” dhe “Dhunim”, tha Elezaj.
