Një rast i grabitjes i shoqëruar edhe me goditje me thikë ka ndodhur dje në Prizren.
Policia e Kosovës ka njoftuar se të dielën në Prizren ka ndodhur një grabitje në një lokal, ku një person ka goditur me thikë një grua dhe më pas ka marrë një shumë parash.
“Është raportuar se në një lokal i dyshuari mashkull kosovar pasi kishte goditur me një mjet të mprehtë/ thikë viktimën femër kosovare, nga vendi i ngjarjes ka grabitur një shumë parash dhe më pas është larguar”, njofton Policia e Kosovës.
Viktima ka pësuar lëndime trupore dhe është dërguar për tretman mjekësor, ndërkaq i dyshuari është arrestuar.
“Lidhur me rastin, viktima ka pësuar lëndime trupore dhe është dërguar për tretman mjekësor. Ndërsa si rezultat i një pune intensive hetimore është arritur të identifikohet dhe arrestohet i dyshuari lidhur me rastin, i cili ka pranuar kryerjen e veprës gjatë intervistimit, me vendim të prokurorit i njëjti është dërguar në mbajtje për 48 orë”, thuhet në njoftimin e Policisë.
