Forcat e Mbrojtjes së Izraelit (IDF) kanë publikuar pamjet e sulmeve në pozicionet e Hamasit në Rripin e Gazës.
Avionët e Forcave Ajrore izraelite hodhën më shumë se 16 tonë municione në Rripin e Gazës, sipas burimeve ushtarake të Times of Israel.
Disa batalione të ushtrisë së rregullt janë dislokuar në kufirin me Gazën. Por ushtria po fokuson shumicën e përpjekjeve të saj në luftimin e militantëve të Hamasit që janë ende në territorin izraelit.
Sipas të dhënave të publikuara më parë, luftimet mes ushtrisë izraelite dhe Hamasit janë zhvilluar në të paktën shtatë vende në territorin e Izraelit.
Hamasi ka njoftuar se ka kapur me sukses një bazë ushtarake izraelite dhe janë publikuar video të pajisjeve të kapura.
Shërbimet e urgjencës Magen David Adom thonë se të paktën 22 persona janë vrarë që nga fillimi i sulmit masiv të Hamasit, sipas raporteve të mediave izraelite. Mbi 500 persona kanë mbetur të lënduar.
IDF publishes footage of strikes on Hamas assets in the Gaza Strip. Air Force jets have used so far more than 16 tons of munitions. pic.twitter.com/TpvK9f21oX
— Emanuel (Mannie) Fabian (@manniefabian) October 7, 2023
