Kryeministri i Izraelit, Benjamin Netanyahu, pas sulmit atje ka thënë se armiku i tyre do të paguajë një çmim.
“Armiku ynë do të paguajë një çmim, të cilin ata nuk e dinë kurrë”, ka thënë Netanyahu, sipas agjencisë së lajmeve Reuters, që po përkthen deklaratën e tij.
Kryeministri izraelit ka thënë se Izraeli është në luftë “dhe ne do të fitojmë”, raporton BBC.
Dhjetra persona të armatosur nga grupi militant islamik, Hamas janë infiltruar sot në jug të Izraelit në një sulm të befasishëm.
“Times of Israel” raporton se kabineti i sigurisë së nivelit të lartë të Izraelit do të mbajë një takim sot në lidhje me sulmin e papritur të Hamasit. Para takimit, kryeministri Benjamin Netanyahu do të zhvillojë një vlerësim me zyrtarët e sigurisë.
