Të martën, në moshën 70-vjeçare ka vdekur doktori dhe ish-pjesëtari i Ushtrisë Çlirimtare të Kosovës, Shukri Gërxhaliu.
Këtë e ka bërë të ditur vajza e tij, Gonxhe Gërxhaliu përmes një postimi në Facebook.
“Të Allahut jemi dhe te ai do të kthehemi! Njoftojmë të gjithë familjarët dhe të afërmit se sot, në moshën 70 vjeçare ka ndërruar jetë më i dashuri jonë, babi, bashkëshorti, gjyshi dhe vëllau, Dr. Shukri Gërxhaliu. Varrimi i më të dashurit tonë bëhet nesër me kohë të drekës në Studime të Vushtrrisë. Me zemra të thyera, familja Gërxhaliu”, ka shkruar ajo.
Gërxhaliu ka lindur në vitin 1952. Përveç si doktor, ai ka shërbyer edhe gjatë luftës në Kosovë. Ai ka dëshmuar në Tribunalin e Gjykatës së Hagës kundër Slobodan Milosheviqit, ish-udhëheqës i Serbisë në Jugosllavi.
