Kryetari i komunës së Drenasit, Ramiz Lladrovci dhe Drejtoresha për Kulturë, Rini dhe Sport, Laureta Thaqi, kanë pritur në takim themeluesin dhe drejtorin e festivalit, artistin Robert Nuha.
Kryetari Lladrovci dhe Nuha biseduan për përgatitjet e deritanishme për festivalin tradicional “Muajin e Mërgatës” në këtë komunë, program ky që tashmë po ndiqet si model edhe nga komunat e tjera.
Muaji i Mërgatës do të nis më datë 20 korrik dhe do të përfundoj më 20 gusht në sheshin “Fehmi Lladrovci”, që i kushtohet bashkatdhetarëve tanë që vijnë gjatë muajve të verës në vendlindje, në qytetin e Drenasit.
Nuha njoftoi se Muaji i Mërgatës do të jetë më shumë aktivitete të ndryshme, si: pika muzikore nga këngëtarë të njohur, shfaqje të filmave, pika humoristike e të tjera.
Kryetari Lladrovci e falënderoi Nuhën për bashkëpunimin dhe për mënyrën e organizimit të festivalit që padyshim do të mbledh shumë qytetarë të Drenasit, të komunave të tjera dhe mysafirë nga vendet fqinje, si: Shqipëria, Maqedonia e Mali i zi.
