Ish- presidenti i Shteteve të Bashkura të Amerikës (ShBA), Donald Trump, është akuzuar nga një juri federale në hetimin e këshilltarit special Jack Smith në përpjekjet për të përmbysur zgjedhjet e vitit 2020 që çuan në sulmin e 6 janarit 2021 në Capitolin e SHBA-së, sipas një dokumenti gjyqësor.
Siç raporton BBC, kjo është hera e tretë që Trump akuzohet penalisht.
Ai ngarkohet me tri akuza për komplot dhe një për përpjekje për të penguar një procedurë zyrtare.
Akuzat me të cilat ngarkohet janë “komplot për të mashtruar Shtetet e Bashkuara”, “komplot për të penguar procedurën zyrtare”, “pengimi dhe përpjekja për pengim në procedurë zyrtare” dhe “komplot kundër të drejtave”.
Ndryshe, Trumpi u akuzua për hetimin e dokumenteve të klasifikuara në qershor dhe për mashtrim biznesi në mars.
Trump, i cili kandidon për president në vitin 2024, u deklarua i pafajshëm në të dyja rastet.
