Shefja e grupit të asamblistëve të LDK-së në Kuvendin Komunal të Prishtinës, Jeta Rafuna njofton se është marrë vendimi për subvencionimin e familjeve për regjistrim të fëmijëve në kopshtet private.
Subvencionimi do të vlejë vetëm për familjet që kanë të ardhura më pak se 500 euro në muaj.
Sipas pikës 1 dhe 2 të këtij Vendimi, subvencionimi për regjistrim të femijëve në institucione parashkollore private, vlen vetëm për IP-të e licencuara, sipas shtojcës e cila ishte pjese përberëse e këtij Vendimi.
Subvencionimi i familjeve do të behet në bazë të Thirrjes Publike ku përzgjedhjen në baze të kritereve do ta bëjë një komision i themeluar nga Kryetari i Kryeqytetit. Subvencionimi do të jetë në vlerě prej 100,000.00 Euro në vit nga kategoria e subvencioneve të Drejtorisë së Arsimit.
Per zbatimin e këtij vendimi do të kujdesen Kryetari i Kryeqytetit, Drejtoria e Arsimit dhe Drejtoria e Financave.
Ky vendim hyn në fuqi 15 ditë pas regjistrimit në Zyrën e protokollit të Ministrisë së Administrimit të Pushtetit Lokal, si dhe 7 ditë pas publikimit në gjuhet zyrtare në ueb-faqen e Komunës.
Ky vendim u mor sot me shumicë votash.
