Qeveria e Kosovës në mbledhjen e djeshme ua ka bërë obligative lokaleve të gastronomisë që të mos i privojnë klientët nga uji i pijshëm nga rubineti, në rast se furnizohen nga ujësjellësi publik.
Por, çka bëhet në rast se lokalet s’kanë ujë të pijshëm?
Sipas vendimit të Qeverisë të publikuar në faqen zyrtare, në rastet kur në rastet kur objekti i gastronomisë pretendohet të furnizohet nga ujii puseve, rezervuarëve apo rrjeti i cili nuk menaxhohet prej Kompanive Rajonale të Ujit, pronari i biznesit obligohet që të hartojë dhe zbatojë planin e monitorimit operacional të cilësisë së ujit dhe të pajisjet me certifikatë të cilësisë së ujit nga IKPSHP’ja.
“Të hartojë dhe zbatojë planin e monitorimit operacional të cilësisë së ujit në përputhje me nenin 7 dhe nenin 8 të Udhëzimit Administrativ Nr. 10/2021 për Cilësinë e Ujit të Destinuar për Konsum Njerëzor; Që të pajiset me certifikatë të cilësisë së ujit nga Instituti Kombëtar për Shëndetësi Publike dhe këtë certifikatë ta ekspozojë në lokal”, thuhet në vendim.
