Një muaj më parë KosovaNews pati raportuar ekskluzivisht se Policia e Turqisë ka ndaluar dhe arrestuar në Aeroportin e Stambollit disenjatorin e njohur kosovar Valdrin Sahiti. Sipas burimeve të KosovaNews brenda policisë së Kosovës arrestimi i Sahitit ka ndodhur pasiqë ai është i dyshuar për veprën penale blerja,pranimi,posedimi i drogave dhe stimuluesve për përdorim bazuar në nenin 191 të kodit penal të Turqisë.
Bëhet e ditur se stilisti Valdrin Sahiti e ka dorëzuar pasaportën diplomatike në Ministrinë e Punëve të Jashtme më datë 26 prill të këtij viti.
Kjo është konfirmuar për KosovaNews nga Ministria e Punëve të Jashtme e Kosovës.
“z.Sahiti ka dorëzuar në MPJD pasaportën diplomatike me datë 26.04.2023. Të njëjtit me kërkesë të tij, i është pavleftësuar pasaporta diplomatike”.
Deri tani MPJD s’ka ndonjë raport zyrtar nga autoritetet turke lidhur me raportimet për ndalimin e Sahitit muajin e kaluar.
”Gjithashtu ju njoftojmë se deri tani, MPJD nuk ka pranuar asnjë raport zyrtar nga autoritetet turke, lidhur me raportimet e mediave për ndalimin a arrestimin e z. Sahiti në shtetin turk”, kanë thënë nga ministria.
