Një ditë grevë e punëtorëve të kompanisë rajonale “Pastrimi” ka bërë që Prishtina të mbushet bërllok.
Të hënën, punëtorët e “Pastrimit” protestuan në kërkim të kushteve më të mira të punës e rritje pagash. Si shenjë proteste ata nuk dolën të mbledhin mbeturinat.
Pasdite kjo kompani ka njoftuar se menxhmenti i kompanisë ka takuar sindikalistët dhe ka deklaruar se është pro rritjes së pagave, duke e arsyetuar me kontratën e re me Komunën e Prishtinës dhe me rritjen e numrit të klientëve.
Menaxhmenti dhe Bordi i Drejtorëve të “Pastrimit” është zotuar që “muajve të ardhshëm të ketë ngritje pagash në bazë të mundësive (të hyrave shtesë) të krijuara me kontratën e re”.
Ndërkaq punëtorët kanë kërkuar që ngritja të bëhet menjëherë.
Kompania “Pastrimi” ka njoftuar se diskutimet do të vazhdojnë edhe të marten, ndërsa sot kontejnerët janë të stërmbushur me mbeturina ku ato kanë filluar të shpërndahen edhe nëpër rrugë.
