Emisari i BE-së për dialogun Kosovë-Serbi, Miroslav Lajçak, ka nisur të premten takimet me përfaqësuesit e partive opozitare.
Takimin e parë, Lajçaku e ka nisur në selinë e PDK-së, ku është pritur nga kryetari, Memli Krasniqi, nënkryetarja e parë, Vlora Çitaku dhe sekretari i partisë, Bernard Nikaj.
Lajçaku pritet të takohet gjatë ditës edhe me zyrtarë të LDK-së e AAK-së.
Lajçaku një ditë më parë është takuar edhe me kryeministrin Kurti e presidenten Osmani, takime të cilat i ka cilësuar konstruktive në procesin e dialogut.
