Sot u mbajtën garat e radhës në MotoCross ku nikoqir i këtij evenimenti ishte klubi “Theranda MotoCross” nën organizimin e Federatës së Motoçiklizmit të Kosovës.
Dhjetëra motoristë të këtij sporti dhuruan spektakël dhe emocione para qindra shikuesve në pistën në fshatin Duhël të Suharekës, raporton KosovaNews.
Ashtu siç edhe pritej garë e ashpër u zhvillua në dy kategoritë superiore ku në të dyja këto kategori triumfuan motoristët nga Suhareka.
Në kategorinë elitë Mx1 kampioni aktual Arbenit Beqiraj me nofkën “baruti”, ishte dominues gjatë dy etapave dhe zuri vendin e parë duke e lënë prapa Blerim Aliun nga Gjilani. Ndërsa vendin e tretë e zuri Eurolind Morina.
Ndërkaq, në kategorinë Mx2 vendin e parë e zuri Valon Zeqiraj i njohur ndryshe si “Ekstremi”, vendin e dytë Rehat Haliti dhe të tretin Agron Kelmendi./KosovaNews/
