Deputeti i Vetëvendosjes, Salih Zyba, ka reaguar ndaj kryeprokurorit të Prokurorisë Speciale, Blerim Isufaj, i cili ka pranuar se kishte dhënë pëlqimin për heqjen e urdhërarrestit ndaj Milan Radoiçiqit. Zyba ka kërkuar nga Prokuroria të tregojë a ka pasur urdhër nga politika asokohe që të hiqet fletarresti.
“Është e vërtetë që disa çështje janë të Prokurorisë por ka tema të mëdha që i interesojnë dhe popullit sepse atyre u shërbejmë. Dhe Radojçiq nuk është çfarëdo rasti, por është njëri prej kriminelëve e së fundmi edhe prijësi i sulmit në Banjskë. Duhet të na tregojnë Prokuroria a ka pasur urdhër nga politika asokohe për heqje të fletarrestit apo vet e kanë vlerësuar kështu?!”, ka thënë Zyba në reagimin e tij.
