Zëdhënësi i Qeverisë, Përparim Kryeziu, në Kanal10 ka thënë se kryeministri Albin Kurti nuk ka ikur nga konferenca me gazetarë gjatë ditës së sotme pas takimit të përbashkët me krerët sindikalë të SBASHK-u. Ai ka shtuar se kryeministri nuk iu shmang me qëllim pyetjeve të gazetarëve, por që ishte me urgjencë udhëtimi drejt Tiranës për t’u takuar me kryeministrinë e Shqipërisë, Edi Ramën.
‘Kryeministri nuk ka ikur nga konferenca për media. Gazetarët aty kanë qenë të njoftuar për agjendën e tij. Ai do ta mbajë fjalën hyrëse dhe do të duhej të largohet, duke lënë pasë ministrat e linjës, për të çështjen që po flasim, për t’iu përgjigjur të gjitha pyetjeve. Të gjitha pyetjet që kanë pasur gazetarët, ata janë përgjgijur. S’ka pasur shmangje. Kryeministri e cilësoi si urgjencë, për shkak që duhej të udhëtonte për në Tiranë. Sot kryeministri, pas konferencës ka udhëtuar në Tiranë për të zhvilluar një takim me kryeministrin Edi Rama”, theksoi Kryeziu në Info10.
