Ministri i Punëve të Brendshme, Xhelal Sveçla, ka thënë se të gjithë akterët e nivelit qendror janë vazhdimisht në nivelin më të lartë të gatishmërisë për reagim dhe vazhdojnë të jenë në koordinim me nivelin lokal, ku po bëhet vlerësimi sistematik i situatës.
Përmes një postimi në Facebook, Sveçla tha se të gjithë jemi të shqetësuar me situatën në Pejë pas vërishimeve dhe të pikëlluar për humbjen e dy qytetarëve.
Ministri ka shprehur ngushëllime për familjarët e viktimave.
“Shprehë ngushëllimet e mia më të sinqerta familjeve Ademaj dhe Hoxhiq për humbjen e më të dashurve të tyre.
Falënderoj qytetarët për bashkëpunimin dhe komunikimin e vazhdueshëm mbrëmë me Qendrat Operative Emergjente dhe njëkohësisht i ftoj që për çdo kërkesë apo informacion të vijojnë të kontaktojnë pa pagesë në numrin emergjent 112, Policinë e Kosovës 192 dhe Zjarrfikësit 193″, ka shkruar ministri Sveçla.
