Një person ka ndërruar jetë dje në Zveqan, pasi u aksidentua duke drejtuar një traktor.
Sipas policisë, rasti ka ndodhur dje, rreth orës 17:00.
Viktima, derisa ishte duke drejtuar traktorin, nga pakujdesia raportohet të ketë humbur kontrollin dhe si pasojë, ka pësuar lëndime trupore.
“Viktima pasi ka arritur në spitalin rajonal ka ndërruar jetë, vdekjen e të cilit e ka konfirmuar ekipi mjekësor” thuhet në njoftimin e policisë.
Me vendim të prokurorit, trupi i pajetë i viktimës iu lirua familjarëve, për ceremoni mortore.
