Ministri në detyrë i Mbrojtjes, Ejup Maqedonci, ka pritur në takim ambasadorin e Mbretërisë së Bashkuar në Kosovë, Jonathan Hargreaves, ku në fokus të diskutimit ishte situata e sigurisë dhe avancimi i bashkëpunimit mes dy vendeve në fushën e mbrojtjes.
Gjatë takimit, Maqedonci dhe Hargreaves kanë diskutuar për zhvillimet aktuale të sigurisë në rajon dhe më gjerë, si dhe për rëndësinë e koordinimit të vazhdueshëm me partnerët strategjikë.
Maqedonci ka vlerësuar mbështetjen e vazhdueshme të Mbretërisë së Bashkuar ndaj Kosovës dhe sektorit të mbrojtjes, duke theksuar rëndësinë e partneritetit të ndërtuar ndër vite.
Palët kanë rikonfirmuar angazhimin për thellimin e bashkëpunimit në funksion të paqes, sigurisë dhe stabilitetit rajonal, si dhe për vazhdimin e koordinimit për përballimin e sfidave të përbashkëta të sigurisë.
