Po vazhdon përplasja virtuale mes Minstrit të Financave, Punës dhe Transfereve, Hekuran Muratit dhe deputetës së LDK-së Hykmete Bajrami.
Deputetja Bajrami sot e akuzoi ministrin Murati se po e manipulon opinionin publik përmes grafikoneve që ka paraqitur për kontratat njëburimore ku thuhet se qeveria e Kosovës në vitin 2008 ka nënshkruar kontrata njëburimore mbi 800 milionë euro.
Bajrami tha se kjo gjë është e pavarëtet pasiqë atëher I gjithë bugjeti i Kosovës kishte 900 milionë euro.
Ndërkohë ministry Hekuran Murati përmes një postimi në facebook i është kundërpërgjigjur deputetes Bajrami duke i thënë se “Hykmete, s’paske mësu as sot. Ulu, njësh!”
Murati ka vazhduar të ironizojë me Bajramin duke thënë se edhe pse ka qenë minister e financave ajo nuk ka njohuri bazë për të funksionimit të buxhetit, apo të financave publike në përgjithësi.
“Anipse Hykmetja ka qenë për nja 6 muaj Ministre e Financave, e për disa vite tjera edhe Ministre e Tregtisë e Industrisë, nga ajo që paska shkruar në postimin e saj të fundit në Facebook, e dëshmon që ende nuk i din e as që i ka kuptuar ndonjëherë elementet bazë të funksionimit të buxhetit, apo të financave publike në përgjithësi.
I qenkan dashur më shumë se 24 orë Hykmetes që të arrijë në momentin e saj të “eurekas”, për ta gjetur, siç e quan ajo, “manipulimin e radhës” nga ana ime.”
Ministri I financave ka thënë se deputetja bajrami duhet ta dijë që nëse i tërë buxheti për vitin ekzistues është 500 milionë euro, kjo nuk e ndalon organizatën buxhetore që të lidhë kontratë disavjeçare për, ta zëmë ndërtimin e një autostrade, ku pagesa shtrihet në 3 apo 4 vite nga 200 milionë euro.
“Sipas saj, grafikoni që unë kam prezantuar dje ka pasaktësi sepse nuk është e mundur që në vitin 2008 të nënshkruhen kontrata në vlerë mbi 800 milionë euro, kur vetem afërsisht 500 milionë euro mund të ketë qenë buxheti i atij viti për prokurime. Pak a shumë, kjo ishte akuza.
Por, siç nuk e din Hykmetja, buxheti përveç vitit fiskal që mbulon, ka projeksione edhe për dy vite tjera në kuadër të asaj që quhet Korniza Afatmesme e Shpenzimit – KASH.
Dhe siç nuk e din Hykmetja, edhe nëse i tërë buxheti për vitin ekzistues është 500 milionë euro, kjo nuk e ndalon organizatën buxhetore që të lidhë kontratë disavjeçare për, ta zëmë ndërtimin e një autostrade, ku pagesa shtrihet në 3 apo 4 vite nga 200 milionë euro. Pra, shpenzimi në njërën anë dhe disponueshmëria e mjeteve në anën tjetër, janë dy gjëra të ndryshme.
Këtë e din secili qe merret me financat publike.
Por jo edhe Hykmetja.” ka shkruar ministri Murati në facebook.
